This is a test course.
Introduction to basic biostatistics.
សូមស្វាគមន៍មកកាន់វគ្គបណ្តុះបណ្តាល ដែលផ្តោតលើសីលធម៌ នៃការថែទាំ។ វគ្គបណ្ដុះបណ្ដាលនេះ ត្រូវ បានរៀបចំឡើងជាពិសេសសម្រាប់អ្នកប្រកបវិជ្ជាជីវៈគិលានុបដ្ឋាក ដែលកំពុងបម្រើការងារនៅក្នុងសេវាថែទាំ សុខភាព។ គិលានុបដ្ឋាកបានប្រឈមមុខនឹងការសម្រេចចិត្តពាក់ព័ន្ធនឹងបញ្ហាសីលធម៌ប្រចាំថ្ងៃ ដែលប៉ះពាល់ដល់ ការថែទាំអ្នកជំងឺ និងអាកប្បកិរិយានៅក្នុងវិជ្ជាជីវៈរបស់ពួកគាត់។ វគ្គបណ្តុះបណ្តាលនេះ មានគោលបំណង អភិវឌ្ឍ និងការអនុវត្តសីលធម៌តាមរយៈការយល់ដឹងអំពីគោលការណ៍ និងច្បាប់ដែលកំណត់លក្ខណៈ ច្បាស់លាស់ សម្រាប់គិលានុបដ្ឋាក។ នៅក្នុងម៉ូឌុលនេះមានមេរៀន៤ សំខាន់ៗ ដែលពិពណ៌នា អំពីក្របខណ្ឌច្បាប់ នៃការ ថែទាំសុខភាព បញ្ជាក់អំពីសិទ្ធិរបស់អតិថិជន អ្នកជំនាញថែទាំសុខភាព ដើម្បីស្វែងយល់អំពីក្រមសីលធម៌ដែល គ្រប់គ្រងការប្រតិបត្តិ និងការអនុវត្តថែទាំ។ តាមរយៈការចូលរួមក្នុងកម្មវិធីសិក្សានេះ អ្នកនឹងបានរៀនអំពី៖ ១. ការស្វែងយល់ពីតម្លៃសីលធម៌ និងគោលការណ៍ដែលពាក់ព័ន្ធនឹងការថែទាំ។ ២. ទទួលយកបរិបទផ្នែកច្បាប់ និងបទប្បញ្ញត្តិដែលប៉ះពាល់ដល់ការអនុវត្តរបស់អ្នក។ ៣. ការអនុវត្តគោលការណ៍សីលធម៌ដើម្បីស្វែងរកបញ្ហាការថែទាំដែលមានលក្ខណៈស្មុគស្មាញ ៤. ការអនុវត្តអន្តរាគមន៍ថែទាំប្រកបដោយមេត្ដាករុណាចំពោះអ្នកជំងឺដែលងាយរងគ្រោះ។ វគ្គសិក្សានេះមិនមែនគ្រាន់តែជាការខិតខំប្រឹងប្រែងសិក្សាប៉ុណ្ណោះទេ ប៉ុន្តែជាដំណើរឆ្ពោះទៅកាន់សីលធម៌ ដែលសង្កត់ធ្ងន់លើការថែទាំគិលានុបដ្ឋាកគំរូ។ ការចូលរួមរបស់អ្នកគឺជាសក្ខីភាពមួយ ចំពោះការប្តេជ្ញាចិត្ត សុចរិតភាព និងឧត្តមភាពនៅក្នុងទិដ្ឋភាព នៃការថែទាំសុខភាពនៅក្នុងប្រទេសកម្ពុជា។
ហេតុអ្វីបានជាការប្រាស្រ័យទាក់ទងមានសារៈសំខាន់សម្រាប់គិលានុបដ្ឋាក? ជំនាញការប្រាស្រ័យទាក់ទងគឺចាំបាច់ និងមានសារៈសំខាន់ណាស់សម្រាប់គិលានុបដ្ឋាក ព្រោះវាបង្កើតបានជាមូលដ្ឋានគ្រឹះ នៃការថែទាំអ្នកជំងឺប្រកបដោយប្រសិទ្ធភាព។ ជំនាញទាំងនេះជួយជំរុញឱ្យគិលានុបដ្ឋាក បញ្ជូនព័ត៌មានបានច្បាស់លាស់ ស្តាប់ដោយការយល់ចិត្តគ្នា និងបង្កើតការជឿទុកចិត្តជាមួយអ្នកជំងឺ។ ការប្រាស្រ័យទាក់ទងដែលល្អជួយជំរុញការយល់ដឹង បង្កើនទំនុកចិត្ត និងរួមចំណែកដល់បទពិសោធន៍ថែទាំសុខភាពជាវិជ្ជមានសម្រាប់អ្នកជំងឺ។ លើសពីនេះ វាជួយក្នុងការសហការជាមួយក្រុមថែទាំសុខភាព ធានានូវការសម្របសម្រួលដោយភាពរលូនព្រមទាំងផ្តល់ការថែទាំដ៏ល្អបំផុត។ វគ្គសិក្សានេះចាប់ផ្តើមជាមួយនឹងទិដ្ឋភាពទូទៅ នៃការប្រាស្រ័យទាក់ទង និងស្វែងយល់ពីកម្មវិធីរបស់ វានៅក្នុងមូលដ្ឋានសុខាភិបាល។ មេរៀនទី៣ បង្ហាញពីការអនុវត្តជាក់ស្តែង នៃជំនាញប្រាស្រ័យទាក់ទងចម្រុះ។ វាត្រូវបានផ្ដល់អនុសាសន៍ឱ្យផ្តោតលើផ្នែកដែលអ្នកមានអារម្មណ៍ថាត្រូវការការកែលម្អបន្ថែម។ តាមរយៈការរៀនជំនាញប្រាស្រ័យទាក់ទងប្រកបដោយប្រសិទ្ធភាពក្នុងវគ្គសិក្សានេះ អ្នកនឹងក្លាយជាគិលានុបដ្ឋាកដែលអាច ដោះស្រាយតម្រូវការ និងកង្វល់របស់អ្នកជំងឺទន្ទឹមគ្នានឹងគោរពប្រពៃណី និងវប្បធម៌របស់ពួកគេ។
ដំណើរការ នៃការថែទាំជំងឺ គឺជាវិធីសាស្រ្តនៃការកំណត់បញ្ហា និងការដោះស្រាយបញ្ហានៅក្នុងដំណើរការ ទាំងប្រាំជំហាន ដែលពិពណ៌នាអំពីអ្វីដែលគិលានុបដ្ឋាកធ្វើពិតប្រាកដ។ ដំណើរការ នៃការថែទាំត្រូវបានណែនាំ ដល់គិលានុបដ្ឋាកទាំងអស់នៅក្នុងប្រទេសកម្ពុជាក្នុងឆ្នាំ២០១៣ ដើម្បីស្វែងយល់ពីជំហ៊ាននីមួយៗ នៃដំណើរការ សម្រាប់អនុវត្តន៍ចំពោះការថែទាំអ្នកជំងឺរបស់ពួកគេ។ ទោះជាយ៉ាងណាក៏ដោយការអនុវត្តដំណើរការនៃការថែទាំក្នុងការថែទាំ មិនទាន់បានពេញលេញនៅឡើយទេ។ ម៉ូឌុលបណ្តុះបណ្តាលនេះ គឺផ្តោតយ៉ាងស៊ីជម្រៅលើ ការអនុវត្តដំណើរការ នៃការថែទាំ និងណែនាំគិលានុបដ្ឋាករបស់យើងឱ្យអនុវត្តន៍បានត្រឹមត្រូវតាមគោលការណ៍ ណែនាំជាតិ ស្តីពីដំណើរការ នៃការថែទាំដែលត្រូវបានបង្កើតឡើងដោយក្រសួងសុខាភិបាលកម្ពុជាក្នុងឆ្នាំ២០១២។
សូមស្វាគមន៍មកកាន់វគ្គបណ្ដុះបណ្ដាលស្ដីអំពីការលើកកម្ពស់គុណភាព និងសុវត្ថិភាពអ្នកជំងឺ។ វគ្គ បណ្ដុះបណ្ដាលនេះ ចាប់ផ្ដើមដោយធ្វើការពិពណ៌នាអំពីការលើកកម្ពស់គុណភាពដែលផ្ដោតសំខាន់លើតួនាទីរបស់វាក្នុងការពង្រឹងលទ្ធផល នៃការថែទាំ។ ពួកយើងក៏បានពន្យល់បន្ថែមនូវកត្តាមួយចំនួនដែលជួយបង្កើនគុណភាព ការអនុវត្តនូវគំរូ នៃការលើកកម្ពស់គុណភាព និងការត្រួតពិនិត្យលើការលើកកម្ពស់គុណភាព និង សូចនាករ របស់វាជាដើម។ យើងក៏បានសង្កត់ធ្ងន់ក្នុងការបន្តលើកកម្ពស់គុណភាព និងការចូលរួមដ៏សំខាន់របស់គិលានុបដ្ឋាក ក្នុងដំណើរការទាំងនេះ។ ម្យ៉ាងវិញទៀតនៅក្នុងវគ្គបណ្ដុះបណ្ដាលនេះ ក៏បានបកស្រាយអំពី «សុវត្ថិភាពអ្នកជំងឺ»ដែលយើងបានផ្សាភ្ជាប់វាទៅនឹងមូលដ្ឋានគ្រឹះ នៃការលើកកម្ពស់គុណភាពផងដែរ។ នៅក្នុងផ្នែកនេះ វាផ្តោត លើការកាត់បន្ថយហានិភ័យ កំហុស និងគ្រោះថ្នាក់ដល់អ្នកជំងឺ ដោយបង្ហាញពីសារៈសំខាន់ នៃសុវត្ថិភាពអ្នកជំងឺ នៅក្នុងការថែទាំប្រកបដោយគុណភាព។ វគ្គបណ្ដុះបណ្ដាលនេះ បានគ្របដណ្តប់លើចំណុចសំខាន់ៗ ដូចជា កំហុសបុគ្គល វិធីសាស្រ្តតាមដានសុវត្ថិភាពអ្នកជំងឺដែលមានលក្ខណៈជាប្រព័ន្ធសារៈសំខាន់ នៃការធ្វើការងារ ជាក្រុម និងការប្រាស្រ័យទាក់ទងដើម្បីធានាឱ្យមានបរិស្ថានថែទាំសុខភាពប្រកបដោយសុវត្ថិភាព។ នៅក្នុងមេរៀនចុងក្រោយ យើងបានសង្កត់ធ្ងន់លើការបន្តលើកកម្ពស់សុវត្ថិភាពអ្នកជំងឺជាបន្តបន្ទាប់ផងដែរ។ សូមចូលរួមទាំងអស់គ្នាដើម្បីបង្កើនការយល់ដឹងរបស់យើងឱ្យបានកាន់តែស៊ីជម្រៅលើការលើកកម្ពស់គុណភាព និងសុវត្ថិភាពអ្នកជំងឺដែលជាកត្តាយ៉ាងសំខាន់ៗក្នុងវិស័យសុខាភិបាល និងផ្ដល់ការថែទាំសុខភាព ដ៏ល្អបំផុតដល់អ្នកជំងឺ។
ជម្រាបសួរគិលានុបដ្ឋាក ដែលជាអ្នកគ្រប់គ្រង! ក្នុងនាមជាអ្នកគ្រប់គ្រង តួនាទីរបស់អ្នក គឺមានសារៈសំខាន់ណាស់ក្នុងការដឹកនាំ ការផ្តល់ការថែទាំអ្នកជំងឺ ប្រកបដោយគុណភាព និងជំរុញបរិយាកាសការងារដែលប្រកបដោយការគាំទ្រ។ គិលានុបដ្ឋាកដែលជាអ្នកគ្រប់គ្រងគឺជាបុគ្គលមានសិទ្ធអំណាចក្នុងការធ្វើសេចក្តីសម្រេចចិត្តលើប្រតិបត្តិការប្រចាំថ្ងៃនៅក្នុង មូលដ្ឋានសុខាភិបាល។ ពួកគេអាចធ្វើការតស៊ូមតិដើម្បីកែលម្អការថែទាំអ្នកជំងឺ ដោយការធ្វើឱ្យដំណើរការ ជាក់លាក់ដែលមូលដ្ឋានសុខាភិបាលបំពេញជារៀងរាល់ថ្ងៃ។ វគ្គសិក្សានេះត្រូវបានបង្កើតឡើង ដើម្បីបង្កើន សមត្ថភាពគ្រប់គ្រងការថែទាំ និងភាពជាអ្នកដឹកនាំរបស់អ្នក និងផ្តល់នូវឧបករណ៍ និងចំណេះដឹង នៃការ អនុវត្តដែលត្រូវប្រើប្រាស់ដោយផ្ទាល់ចំពោះតួនាទីរបស់អ្នកគ្រប់គ្រង។ ចូរធ្វើការរួមគ្នាដើម្បីបង្កើនជំនាញភាពជាអ្នកដឹកនាំរបស់អ្នក និងរួមចំណែកក្នុងការអភិវឌ្ឍជាបន្តបន្ទាប់ នូវការអនុវត្តការគ្រប់គ្រងការថែទាំ។
ព័ត៌មានវិទ្យា នៃការថែទាំ គឺជាវិស័យកំពុងរីកចម្រើនយ៉ាងឆាប់រហ័ស ដែលមានគោលបំណងធ្វើការផ្លាស់ប្តូរការថែទាំសុខភាពដោយការរួមបញ្ចូលបច្ចេកវិទ្យានឹងការអនុវត្តផ្នែកថែទាំ។ វគ្គបណ្តុះបណ្តាលនេះ បង្ហាញពីទិដ្ឋភាពទូទៅជាមូលដ្ឋាន នៃផ្នែកសំខាន់ៗចំនួនបួនមេរៀន ដើម្បីណែនាំគិលានុបដ្ឋាកតាមរយៈ ដំណើរការ នៃការផ្លាស់ប្តូរ។ មេរៀនទី ១ សេចក្ដីផ្ដើមអំពីគោលគំនិត នៃព័ត៌មានវេជ្ជសាស្ត្រ (Medical Informatics) និងព័ត៌មានវិទ្យា នៃ ការថែទាំ (Nursing Informatics) រួមជាមួយនឹងសមត្ថភាព និងជំនាញរបស់គិលានុបដ្ឋាកនៅក្នុងព័ត៌មានវិទ្យា នៃការថែទាំ។ មេរៀនទី ២ គឺជាការបកស្រាយលើវាក្យស័ព្ទបច្ចេកទេស និងគោលគំនិតដែលប្រើប្រាស់នៅក្នុងផ្នែកព័ត៌មានវិទ្យា ចាំបាច់ដើម្បីប្រាស្រ័យទាក់ទងប្រកបដោយប្រសិទ្ធភាព។ មេរៀនទី ៣ ពិពណ៌នាអំពីកម្មវិធី និងបច្ចេកវិទ្យាដែលប្រើប្រាស់ទូទៅនៅក្នុងមូលដ្ឋានថែទាំសុខភាព ដើម្បី សម្រួលដល់គិលានុបដ្ឋាកក្នុងការបម្រើការងារនៅក្នុងបរិស្ថានថែទាំសុខភាពឌីជីថល។ ក្នុងនោះ វាក៏បានរួម បញ្ចូលនូវវីដេអូផ្សេងៗដែលបង្ហាញពីការប្រើប្រាស់នូវកម្មវិធីសំខាន់ៗ នៅក្នុងការអនុវត្តព័ត៌មានវិទ្យា នៃការថែទាំ។ មេរៀនទី ៤ លើកឡើងអំពីសារៈសំខាន់ នៃការរក្សាព័ត៌មានអ្នកជំងឺ ដែលជាកត្តាដ៏សំខាន់នៅក្នុងការអនុវត្ត ព័ត៌មានវិទ្យា នៃការថែទាំ។ តាមរយៈវគ្គបណ្ដុះបណ្ដាលនេះ យើងរំពឹងថាគិលានុបដ្ឋាកនឹងអាចទទួលបានចំណេះដឹងមូលដ្ឋានគ្រឹះ មួយចំនួនដែលជួយឱ្យគាត់អាចទាញយកអត្ថប្រយោជន៍ផ្សេងនៅក្នុងផ្នែកព័ត៌មានវិទ្យានេះ ដើម្បីផ្ដល់ការថែទាំ ប្រកបដោយគុណភាពខ្ពស់។
សូមស្វាគមន៍មកកាន់ម៉ូឌុលស្រាវជ្រាវ នៃការថែទាំដែលបានរៀបរាងឡើងសម្រាប់គិលានុបដ្ឋាក ដែលពុំធ្លាប់ទទួលបានសិក្សា ឬពុំសូវមានបទពិសោធន៍ក្នុងការធ្វើការស្រាវជ្រាវពីមុនមក។ ការថែទាំ គឺជាវិជ្ជាជីវៈដ៏ថ្លៃថ្នូរ ដែលត្រូវការការអភិវឌ្ឍ និងពង្រីកចំណេះដឹងជាបន្តបន្ទាប់។ គិលានុបដ្ឋាកត្រូវបានរំពឹងកាន់តែខ្លាំងឡើង ក្នុងការចាប់ផ្តើមស្វែងយល់ និងធ្វើការស្រាវជ្រាវដើម្បីបង្កើតមូលដ្ឋានវិទ្យាសាស្ត្រសម្រាប់ការកែលម្អចំណេះដឹង។ ការស្រាវជ្រាវ គឺជាវិធីសាស្រ្តដែមានលក្ខណៈជាប្រព័ន្ធក្នុងការស្វែងរកបញ្ហាដែលកើតមានឡើងជាក់ស្តែងញឹកញាប់គួរឱ្យកត់សម្គាល់ក្នុងពេលអនុវត្តន៍ការថែទាំអ្នកជំងឺ ដើម្បីជួយរក្សាបាននូវការរីកចម្រើន នៃគុណភាព ប្រសិទ្ធភាព នៃការថែទាំប្រកបដោយសេចក្តីថ្លៃថ្នូរ និងមានវិជ្ជាជីវៈ។ ការស្រាវជ្រាវផ្នែកថែទាំ គឺជាមូលដ្ឋានគ្រឹះ នៃការអនុវត្តផ្អែកលើភស្តុតាងដែលជាស្តង់ដាក្បួនខ្នាតវាស់វែងច្បាស់លាស់ សម្រាប់ជួយដល់ការថែទាំអ្នកជំងឺ ប្រកបដោយគុណភាពខ្ពស់។ ដោយសារការថែទាំ គឺជាវិជ្ជាជីវៈអនុវត្តន៍មួយ វាជាការសំខាន់ដែលការអនុវត្តជំនាញគ្លីនិកគួរតែផ្អែក លើចំណេះដឹងតាមបែបវិទ្យាសាស្ត្រ។ ភស្តុតាងដែលបង្កើតបានតាមរយៈការស្រាវជ្រាវ នៃការថែទាំផ្តល់នូវការគាំទ្រ សម្រាប់គុណភាព និងប្រសិទ្ធភាព នៃការចំណាយក្នុងការធ្វើអន្តរាគមន៍ផ្នែកថែទាំ។ នៅក្នុងម៉ូឌុលនេះគិលានុបដ្ឋាក នឹងស្វែងយល់ ថាតើការស្រាវជ្រាវផ្នែកថែទាំមានសារៈសំខាន់សម្រាប់ការអនុវត្តផ្អែកលើភស្តុតាងដែលមានស្តង់ដា ក្បួនខ្នាតវាស់វែងច្បាស់លាស់ និងដំណើរការស្រាវជ្រាវ។ ប្រធានបទទាំងនេះ គឺជាមូលដ្ឋានគ្រឹះក្នុងការពង្រឹង សមត្ថភាពវិជ្ជាជីវៈថែទាំក្នុងការផ្តល់ការថែទាំដោយផ្អែកលើភស្តុតាងដែលអាចនាំទៅរកការកែលម្អលទ្ធផលអ្នកជំងឺ។
ការចាប់ផ្តើមវិជ្ជាជីវៈជាគិលានុបដ្ឋាករបស់អ្នក គឺជាជំហានដ៏គួរឱ្យរំភើបមួយឆ្ពោះទៅរកការផ្តល់ការថែទាំអ្នកជំងឺដ៏ល្អបំផុត។ ភាពស្ទាត់ជំនាញលើមូលដ្ឋាន នៃការថែទាំ គឺជាបេះដូង នៃការខិតខំប្រឹងប្រែងរបស់ អ្នក។ នៅក្នុងវគ្គសិក្សានេះយើងនឹងស្វែងយល់ពីសមាសធាតុសំខាន់ៗចំនួនបីគឺ៖ មេរៀនទី១ ការប៉ាន់ប្រមាណរាងកាយ មេរៀនទី២ ការផ្តល់ឱសថ មេរៀនទី៣ ការថែទាំរបួស នៅពេលអ្នកមានវឌ្ឍន៍ភាពទៅលើមេរៀនទាំងនេះ អ្នកមិនត្រឹមតែទទួលបានជំនាញប៉ុណ្ណោះទេ គឺអ្នកកំពុងតែពង្រឹងមូលដ្ឋានគ្រឺះ នៃការថែទាំរបស់អ្នក។ មូលដ្ឋានគ្រឹះទាំងនេះនឹងជំរុញឱ្យអ្នកផ្តល់ការថែទាំប្រកបដោយសេចក្តីមេត្តា និងប្រសិទ្ធភាពដែលធ្វើឱ្យមានផលជាវិជ្ជមានដល់អាយុជីវិតរបស់អ្នកជំងឺ។
