អំពីយើង

[Nice] Text & Image

ក្រសួងសុខាភិបាលនៃព្រះរាជាណាចក្រកម្ពុជា និងទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ដែលមាននាយកដ្ឋានអភិវឌ្ឍន៍ធនធានមនុស្សជាអ្នកសម្របសម្រួល បានចុះកិច្ចព្រមព្រៀងដាក់ឱ្យដំណើរការជាផ្លូវការនូវគម្រោងសហប្រតិបត្តិការបច្ចេកទេសស្តីពី «គម្រោងពង្រឹងប្រព័ន្ធបណ្តុះបណ្តាលក្នុងពេលបម្រើការងារនៅប្រទេសកម្ពុជា‍» មានរយៈពេល ៥ឆ្នាំ ចាប់ផ្តើមពីខែធ្នូ ឆ្នាំ២០២១ ដល់ខែធ្នូ ឆ្នាំ២០២៦។ គោលបំណងនៃគម្រោងនេះគឺដើម្បីពង្រឹងប្រព័ន្ធបណ្តុះបណ្តាលក្នុងពេលបម្រើការងារសម្រាប់គិលានុបដ្ឋាកនៅក្នុងប្រទេសកម្ពុជាក្នុងការបង្កើនសមត្ថភាពក៏ដូចជាជំនាញ ដោយផ្តោតសំខាន់លើគិលានុបដ្ឋាកដែលបានចុះបញ្ជីការនៅក្នុងគណៈគិលានុបដ្ឋាករួច។ គម្រោងនេះនឹងរៀបចំសេចក្តីណែនាំថ្នាក់ជាតិ រួមទាំងផែនការបណ្តុះបណ្តាលក្នុងពេលបម្រើការងារដ៏ទូលំទូលាយ សម្រាប់គិលានុបដ្ឋាក ក៏ដូចជាបង្កើតយន្តការដើម្បីអនុវត្តការបណ្តុះបណ្តាលជាប្រព័ន្ធលើមុខវិជ្ជាដោយផ្អែកលើផែនការបណ្តុះបណ្តាលរួមទាំងវគ្គបណ្តុះបណ្តាលដែលមានស្រាប់។ គម្រោងនេះក៏នឹងគាំទ្រដល់កិច្ចខិតខំប្រឹងប្រែងរបស់រដ្ឋាភិបាលកម្ពុជាក្នុងការធ្វើឱ្យប្រសើរឡើងនូវគុណភាពនៃសេវាថែទាំរបស់គិលានុបដ្ឋាកស្របតាមប្រព័ន្ធបន្តអាជ្ញាបណ្ណជាតិតាមរយៈការអភិវឌ្ឍន៍វិជ្ជាជីវៈបន្ត(CPD)សម្រាប់គិលានុបដ្ឋាកដែលមានស្រាប់។

[Nice] Text & Image

ក្រសួងសុខាភិបាលសហការជាមួយអង្គការJICA បាននិងកំពុងរៀបចំកម្មវិធីសិក្សាបណ្តុះបណ្តាលក្នុងពេលបម្រើការងារ ដើម្បីបង្កើនសមត្ថភាពដល់គិលានុបដ្ឋាកដែលបានចុះបញ្ជិកា។ កម្មវិធីសិក្សាសម្រាប់ធ្វើការបណ្តុះបណ្តាលមានចំនួនប្រាំបីជំនាញ៖ (១)មូលដ្ឋានគ្រឹះនៃការថែទាំ (២)សីលធម៌នៃការថែទាំ (៣)ការប្រាស្រ័យទាក់ទង (៤)ការប្រើប្រាស់ដំណើរការនៃការថែទាំ (៥)ការលើកកម្ពស់គុណភាព និងសុវត្ថិភាពអ្នកជំងឺ (៦)ការគ្រប់គ្រងការថែទាំ និងភាពជាអ្នកដឹកនាំ (៧)ព័ត៌មានវិទ្យានៃការថែទាំ និង (៨)ការស្រាវជ្រាវផ្នែកថែទាំ។ វគ្គសិក្សាទាំងអស់នេះត្រូវបានជ្រើសរើសដោយហ្មត់ចត់ ផ្អែកលើការធ្វើប៉ាន់ប្រមាណតម្រូវការនៃការបណ្តុះបណ្តាលនៅខែសីហា ឆ្នាំ២០២២ ដែលរួមមានការវាយតម្លៃជំនាញ ការពិភាក្សាជាក្រុម និងការស្ទង់មតិពិពណ៌នា ដើម្បីធានាបានថាជំនាញទាំងប្រាំបីនេះមានភាពពាក់ព័ន្ធគ្នា និងមានប្រសិទ្ធភាពក្នុងការអភិវឌ្ឍវិជ្ជាជីវៈថែទាំ។ វគ្គបណ្តុះបណ្តាលនេះផ្តោតលើផ្នែកសំខាន់ៗដូចជា ជំនាញមូលដ្ឋានគ្រឹះនៃការថែទាំ សីលធម៌នៃការថែទាំ និងការប្រាស្រ័យទាក់ទង ដើម្បីបង្កើនគុណភាពនៃការថែទាំ ហើយក៏មានគោលបំណងអភិវឌ្ឍន៍គិលានុបដ្ឋាកនូវចំណេះដឹង និងជំនាញថ្មីៗ ដូចជាព័ត៌មានវិទ្យានៃការថែទាំ និងការស្រាវជ្រាវផ្នែកថែទាំផងដែរ។ កម្មវិធីសិក្សានេះ នឹងត្រូវបានធ្វើបច្ចុប្បន្នភាពជាទៀងទាត់ដែលរួមបញ្ចូលការវិវឌ្ឍបច្ចេកវិទ្យាចុងក្រោយបង្អស់ក្នុងការថែទាំសុខភាព និងការអនុវត្តផ្នែកថែទាំដើម្បីធានាថាអ្នកចូលរួមនឹងទទួលបានការអប់រំដែលថ្មី និងមានចំណេះដឹងទូលំទូលាយ។

ព័ត៌មានរបស់អង្គភាព

ឈ្មោះ	ទីស្ដីការក្រសួងសុខាភិបាល
បង្កើតឡើង	1993
ទីស្នាក់ការកណ្តាល	ភ្នំពេញ

ដៃគូសហការ

[Nice] Text & Image

ទីតាំង

ក្រសួងសុខាភិបាល

អាស័យដ្ឋាន: Building No.80, Samdech Penn Nouth St. (289), Sangkat Boeng Kak Ti Pir, Khan Tuol Kouk, Phnom Penh, Cambodia, ផែនទី

ទូរស័ព្ទ: (855) 23 855 970
ទូរសារ: (855) 23 884 909
គេហទំព័រ: https://moh.gov.kh/

នាយកដ្ឋានអភិវឌ្ឍន៍ធនធានមនុស្ស

ព័ត៌មានទំនាក់ទំនង: Tel (855) 23 885 477

ក្រសួងសុខាភិបាល

នាយកដ្ឋានអភិវឌ្ឍន៍ធនធានមនុស្ស

វេទិកាសិក្សាតាមប្រព័ន្ធ

អំពីយើង

គាំទ្រដោយ